Іван Мележ. Раман "Людзі на балоце" Тэст.

І. Мележ. “Людзі на балоце”. Тэст. Варыянт 1

1. Васіль Дзяцел у рамане:

а. з усіх мудрасцей жыцця прытрымліваўся правіла – трывай, цярпі

б. прыгожы хлопец, з норавам, яго паважалі і пабойваліся

в. быў разважлівы, любіў пагаварыць з аднавяскоўцамі

2. Чаму Ганна пасля прыходу Васіля ад маслакоўцаў рэзка змяніла свае адносіны да каханага:

а) вырашыла, што жыць з бедным – гэта значыць жыць увесь час у нястачы

б) страціла свой ідэал каханага, веру, што Васіль не можа прынесці шкоду людзям

в) пагаварыла з бацькам і мачыхай і зразумела, што Васіль для яе не пара.

3. Якім пачуццём змяняецца непрыхільнасць Ганны ў адносінах да каханага пасля вяртання Васіля з допыту:

а) поўнай абыякавасцю

б) публічным шкадаваннем, якое, на думку Ганны, павышала яе аўтарытэт у вачах аднавяскоўцаў

в) абвостраным пачуццём справядлівасці, калі крыўдзяць незаслужана.

4. З чым параўноўвае бацька Ганну на вяселлі:

а) рабінай

б) вішняй у квецені

в) дзікай грушай

г) белым бэзам

5. Гаворачы пра праблематыку рамана “Людзі на балоце”, якому тэзісу вы аддаяце перавагу?

1. чалавек і прырода

2. народ і інтэлігенцыя

3. чалавек і зямля

4. народ і рэвалюцыя.

6. Для каго з сям’і Чарнушкаў сватанне Яўхіма было радаснай падзеяй?

а) для мачыхі

б) для яе бацькі і брата

в) для Ганны.

7. Вызначце жанравую разнавіднасць рамана “Людзі на балоце”:

1. сатырычны

2. сацыяльна-бытавы

3. прыгодніцкі.

8. Чаму Васіль не змагаецца за сваё каханне:

а) Ён вымушаны быў паслухаць маці, згадзіцца з яе рашэннем

б) Васіль зразумеў, што кахае Хадоську

в) Ён не можа аддаць сваю зямлю, якая корміць яго сям’ю.

9. Пра каго з герояў сказана наступнае: “Усё лета...ціха грэлася на сонцы маладзенькая...рабіна. Ніхто ў Куранях, бадай, не заўважыў, калі і хто пасадзіў яе, не бачылі як трэба яе і тады, калі яна красавіцкай раніцай апранулася ў лёгкае празрыста-зялёнае плацце з кволых, рэзных лісточкаў...”?

1. пра Хадоську

2. пра Параску

3. пра Ганну.

10. Сімвалам чаго здаўна лічылася рабіна ў вуснай народнай творчасці беларусаў:

1. матэрыяльнага дабрабыту

2. неўладкаванасці і няўдач

3. жаночай долі і прыгажосці

4. смеласці і адвагі.

11. Ствараючы характар Васіля, аўтар звяртае ўвагу на:

1. эгаізм у адносінах да блізкіх людзей

2. эмацыянальнасць, якая выяўляецца ў жаданні падзяліцца з іншымі людзьмі сваімі думкамі

3. засяроджанасць і маўклівасць.

12. Якая дэталь у апісанні партрэта Васіля дапамагае аўтару ўказаць на супярэчлівасць яго характару:

1. панурыя ўпартыя губы;

2. калматая, не то русявая, не то цёмная чупрына;

3. розныя вочы: адно “як вада, светлае, а другое, як жалудок”.

13. У чым можна папракнуць Ганну, калі яна дала згоду стаць жонкай Яўхіма?

а) у няўменні і нежаданні пазмагацца за сваё шчасце

а) у жаданні разбагацець

в) у імкненні хутчэй пакінуць бацькоўскую хату.

14. Чысціня, непасрэднасць і шчырасць першага кахання Васіля і Ганны раскрываюцца аўтарам праз:

1. большай часткаю праз маўчанне, калі пачуцці зразумелыя без слоў

2. іх вясёлую і няспынную гаворку

3. праз пастаянныя спрэчкі маладых людзей.

15. Хто з герояў рамана «Людзі на балоце» сказаў: «Уся сіла чалавека – у зямлі. І сіла ўся, і радасць! Няма зямлі – няма, лічы, і чалавека.»

а. Васіль

б. Ганна

в. Яўхім Глушак

г. Халімон Глушак

д. Грыбок

е. бацька Ганны

І. Мележ. “Людзі на балоце”. Тэст. Варыянт 2.

1. Падзеі рамана «Людзі на балоце» адбываюцца ў вёсцы:

а. Курані

б. Карабы

в. Глінішчы.

2. Прачытайце наступны ўрывак з рамана “Людзі на балоце”: “Якой ні спакойнай здавалася Ганна хвіліну назад, але калі зірнула ў люстра, твар яе, смуглявыя, крыху выпнутыя шчокі заяснелі зачаравана: ах, якая квяцістая, якая вогненна-яркая, цудоўная...” Які падарунак так абрадаваў і ўпрыгожыў Ганну ў час наведвання юравіцкага кірмашу?

а) спадніца, купленая мачыхай

б) кофта, якую набыў бацька

в) хустка, падараваная Яўхімам.

3. Згаджаючыся на вяселле з Яўхімам, Ганна кіравалася тым, што:

а) Васілю патрэбна жонка з пасагам

б) бацькам будзе лягчэй

в) думае, што «сцерпіцца – злюбіцца»

г) згаджаецца на вяселле, каб пазлаваць Васіля.

4. Як Васіль успрыняў вестку аб сватанні Глушакоў да Ганны і аб будучым вяселлі?

а) з радасцю, што ўсё так скончылася

б) з цвёрдым намерам пазмагацца за сваё шчасце

в) з сумам і жаданнем упэўніць сябе, што так будзе лепш усім

4) з поўнай абыякавасцю.

5. Пра якую падзею ў жыцці Ганны ідзе размова ў прыведзеным урыўку: “Яна потым багата разоў успамінала гэты момант, успамінала з болем і шчымлівым шкадаваннем. Думала, балела душой: як багата бяды выпадае чалавеку за іншы адзін крок. І як чалавек робіць гэты крок пакорліва, нібы сляпы – не бачачы ўсяго, што будзе яму з гэтым крокам...Цвёрдасць – ці ж у Ганны звычайна не было яе? Але якая тут цвёрдасць магла быць, калі не ведаеш, нашто яна?

а) сустрэча з маслакоўцамі

б) шкадаванне аб тым, што не захацела тлумачыць Васілю нічога аб сутычцы з Яўхімам у малінніку

в) сватанне Яўхіма.

6. Што з’явілася сімвалам нешчаслівага першага кахання Васіля і Ганны, якое “...выплыла, ажыло, як бы вырасла, поўнае злавеснага сэнсу”:

а) разбітае люстэрка, якое, паводле павер’я, не прыносіць шчасця

б) гадзюка, якая прапаўзла паміж маладымі людзьмі

в) сон Васіля, які маці тлумачыла як дурны, нядобры.

7. Што азмрочыла шчасце Васіля і Ганны кахаць і быць каханым:

1. нежаданне бацькоў, каб Васіль і Ганна сустракаліся далей

2. гаворкі, якія пайшлі па сяле, асуджаючы каханне Васіля і Ганны

3. сустрэча з бандытамі, якая паклала пачатак жыццёвым выпрабаванням маладых людзей.

8. Вызначце адносіны аўтара да Васіля Дзятла:

1. Мележ малюе свайго героя з любоўю і сімпатыяй, і разам з тым не хавае адмоўных якасцей яго характару

2. Мележ малюе свайго героя з любоўю, сімпатыяй;

3. Мележ ідэалізуе свайго героя, пазбаўляе адмоўных рыс характару.

9. Самым дарагім для Васіля з’яўляецца:

а. Ганна

б. вольнае жыццё

в. зямля

г. сям’я

д. пасаг жонкі

10. Што цяжэй за ўсё пераадольваў Васіль, знаходзячыся ў турме, лічыў “самай вялікай пакутай”?

1. разлуку з Ганнай

2. расставанне са сваімі роднымі

3. адсутнасць магчымасці папрацаваць.

11. У рамане «Людзі на балоце» закранаюцца праблемы:

1. у часы калектывізацыі на Палессі

2. у гады Першай сусветнай вайны

3. у гады Вялікай Айчыннай вайны

12. Калі Васіль апынуўся пад арыштам, якуое пачуццё авалодала ім:

а) разуменне таго, што атрымаў па заслугах

б) апатыя, калі страчана вера ў праўду і дабро

в) жаданне дабіцца таго, каб ва ўсім справядліва разабраліся.

13. З якім дрэвам параўноўваецца Ганна ў пачатку рамана:

а. з вярбой

б. з бярозай

в. з калінай

г. з рабінай

д. з ліпай

14. Ганна Чарнушка ў рамане «Людзі на балоце»:

а. ганарліўка, задзірыстая

б. шчаслівая жанчына-маці

в. не пагадзілася выйсці замуж за нелюбімага

г. разважлівая, жыве па халодным разліку

15. Каму з герояў рамана “Людзі на балоце” належыць наступная характарыстыка: “У такі час з хаты, недалёка ад той, дзе дзяўчына брала ваду, выйшаў на ганак, пацягваючыся, хлопец з хмурнымі, заспанымі вачыма, з калматай не то русай, не то цёмнай чупрынай, з упартымі, невясёлымі губамі... Зялёны гэты хлопец ужо з найпершага маленства адчуў, што жыццё – не вясёлае, бесклапотнае свята, а найбольш доўгі і клапотны будзень, што трэба цярпець”?

1. Міканору

2. Хоню

3. Васілю.